MDT Boneiru
pa organisashon
Duna hóben akseso na eksperensia nobo
MDT ta abreviashon di maatschappelijke diensttijd (servisio na komunidat): un biahe di deskubrimentu pa hóbennan entre 13 i 27 aña pa e mihó vershon di nan mes. Un oportunidat pa deskubrí nan talento, siña kos nobo i nifiká algu pa otro hende. MDT Boneiru ta hasi nos komunidat mas fuerte tresiendo hóbennan di diferente orígen huntu i ofresé nan e oportuniat pa desaroyá nan mes i hasi trabou boluntario.
Bo tambe ta yuda ku bo empresa, skol òf organisashon sosial pa laga hóbennan dal un paso pa nan futuro?
Organisashonnan sosial
Organisashonnan sosial ta forma wesu di lomba di MDT Boneiru. Tin diferente manera ku bo por djòin. Aki bou bo ta lesa kiko MDT Boneiru por nifiká pa bo organisashon.
E balor di MDT Boneiru pa organisashonnan sosial
- Hóbennan ta sinti nan mes importante pa otro
Via MDT Boneiru, partisipantenan ta siña komprondé hopi tempran kon signifikante i edukativo trabou boluntario por ta.
- Mas boluntario hóben
For di investigashon ta resultá ku si hóbennan tin un promé eksperensia positivo ku trabou boluntario, nan ta inkliná mas lihé pa bolbe hasi esaki. Ademas eksperensia positivo di MDT Boneiru ta stimulá otro hóben. Nos ta enkurashá, kompartí konosimentu i pone plaka disponibel pa guia partisipantenan den nan desaroyo personal.
- Konosimentu i abilidat adishonal den e sektor di boluntario
MDT Boneiru ta yuda organisashonnan pa profeshonalisá i hiba desaroyo di nètwèrknan lokal di boluntario pa hóben na un nivel mas haltu. E konosimentu ku ta desaroyá den nètwèrk ta útil pa tur organisashon di MDT Boneiru.
Abo tambe, djòin MDT Boneiru!
E forma úniko di traha di MDT Boneiru ta pone ku hóbennan por ta di importansia pa nan ambiente di bida lokal, desaroyá nan talento i topa hende.
Abo tambe ke konektá hóbennan ku bo organisashon i ku esei fortifiká e área di boluntario i hóbennan, djòin e ora ei!
Ken ta kai bou bou di Organisashon Sosial?
- Boluntario
- Organisashonnan di bienestar
- Trabou hubenil
- Fundashon
- Asosiashon
- Otro organisashonnan non-profit
Kontakto
Bo tin pregunta tokante MDT Boneiru, e ròl ku MDT Boneiru por hunga pa bo organisashon, òf simplemente bo ke djòin mas rápido posibel? Tuma kontakto e ora ei ku
Komo empresa /organisashon duna un kontribushon èkstra na MDT Boneiru
Un di e posibilidatnan ta ofresé un lugá kaminda hóbennan ta sigui (un parti di) nan trayekto di MDT Boneiru. Asina tin trayekto kaminda hóbennan ta duna konseho tokante kon un servisio òf produkto por alkansá mas hóben. Òf trayektonan kaminda hóbenan ta partisipá den e organisashon i asina sera konosí ku e empresa i sektor. Ademas bo por kolaborá aportando personal, lokalidat òf tayer. Nos ta mira ku empresanan i organisashonnan ta hasi esaki na un preis rasonabel i hasta komo regalo, pa asina ko-finansiá un proyekto di MDT Boneiru.
Afiliá na MDT Boneiru
Komo organisashon di MDT Boneiru, bo ta bira parti di un ret di henter isla ku ta stimulá otro i kombiná kapasidat, i bo ta duna hóbennan oportunidat pa dal un paso pa nan futuro.
Kiko bo tin ku tene kuenta kuné ora ta prepará un proyekto di MDT BONEIRU?
Ora bo ta bai hasi un proyekto propio di MDT Boneiru, ta bon pa sa ku kua kondishon bo tin ku kumpli. Esensia di kada proyekto di MDT Boneiru ta impakto sosial, pasobra:
- Hóbennan (riba término korto) ta hasi algu pa un otro hende i/òf komunidat.
- Hóbennan ta desaroyá abilidat i traha na nan desaroyo personal.
- Hendenan di chikitu pa grandi i ku diferente orígen ta topa otro.
Ademas tin algun kondishon ku bo tin ku tene kuenta kuné.
Download aki e kondishonnan di MDT Boneiru.
Ke pidi supsidio pa un proyekto di MDT BONEIRU?
Petishon di supsidio por via e lenk akí.
Ofresé MDT Boneiru bo servisionan
Bo ke nifiká algu pa henter e ret di MDT Boneiru? Pensa por ehèmpel riba ofresé (gratuitamente) espasio ku ta para bashí òf entrenamentu/tayer. Tuma kontakto ku nos e ora ei.
Proyekto
Tira un bista riba e lista ku proyektonan aktual.
