
Kiko ta MDT Boneiru
Un biahe di deskubrimentu pa e mihó vershon di bo mes.
MDT Boneiru ta abreviashon di maatschappelijke diensttijd (servisio pa komunidat). Ora bo partisipá na MDT Boneiru, bo ta deskubrí bo talentonan i mes momentu pa ta hasi algu pa otro hende. Tambe bo ta topa hende nobo i bo ta fortifiká nos komunidat.
Deskubrí loke bo ta bon den dje.
Durante MDT Boneiru, bo ta siña hopi tokante bo mes, tokante loke bo por i loke bo gusta. Bo ta haña un propio guia, ta sigui entrenamentu ku bo mes ta haña interesante i hopi biaha ta haña un sertifikado tambe. Esei ta bon pa bo cv, ora por ehèmpel bo ta hasi un eskoho di estudio, e siguiente paso pa bo futuro òf pa amplio bo nètwèrk.
Ki ora bo ta hasi MDT Boneiru?
MDT Boneiru bo ta hasi den bo tempu liber. Tin biaha por tambe durante ora di skol. Di un par di ora pa siman te un par di dia, ta bo eskoho. Por ehèmpel ku otro hóben traha bo propio programa di televishon, traha pa naturalesa òf yuda hende grandi den bo bario. Kasi tur kos por. Bo mes skohe kua MDT Boneiru ta pas ku bo.
Pues bo ta entre 13 i 27 aña? Partisipá na MDT Boneiru i eksperensiá esaki bo mes!
Pènel di hóben
Ken ta disidí kiko MDT Boneiru ta? Hóbennan mes, naturalmente. Den e pènel di hóben di MDT Boneiru tin hóben entre 13 i 27 aña for di tur skina di Boneiru. Nan mes a hasi un MDT Boneiru, ta bai hasi esei òf ke traha pa komunidat. Tambe nan ta duna e organisashon nan opinion honesto. Danki na e pènel di hóben, MDT Boneiru ta bira mas mihó.
Pero partisipashon na e pènel di hóben ta balioso pa hóbennan mes tambe. Nan ta topa hende nobo, kòmbersá ku polítiko, haña treinen i ta bishitá proyektonan di MDT Boneiru.
Asina nan ta traha na nan propio desaroyo i amplia nan nètwèrk. Partisipashon na e pènel di hóben pa algun hóben ta un proyekto di MDT Boneiru riba su mes.