FAQ

No tin kontesta riba bo pregunta? No duda pa tuma kontakto!

Ken por partisipá na MDT Boneiru?

MDT Boneiru ta pa tur hóben di Boneiru entre 13 i 27 aña.

Kiko ta meta di MDT Boneiru? 

Meta di MDT Boneiru ta ku hóbennan ta desaroyá nan talento, siña konosé nan mes i sa mihó kiko nan ke den bida.  

Kon largu MDT Boneiru ta dura? 

Un proyekto di MDT Boneiru ta dura minimalmente 80 ora i maksimalmente 6 luna. 

Ki ora bo por partisipá na MDT Boneiru? 

Atardi despues di skol, despues di trabou òf den fakansi bo ta bai bo proyekto na un organisashon.

Ta paga bo pa MDT Boneiru?

Proyektonan di MDT Boneriu ta boluntario, pues no tin kompensashon finansiero. Pero MDT sigur ta bale la pena! Durante MDT nos ta mira kiko ta bo interesnan i kiko bo ke siña. Ta guia bo bon, hopi biaha por sigui entrenamentu i ta haña un sertifikado òf otro forma di rekompensa. Partisipantenan ta haña un kompensashon di boluntario di un biaha ora partisipá na un proyekto.

Ki sorto di proyekto di MDT Boneiru tin?

MDT ta pa tur hóben i pues ta kubri un tereno amplio. Un aktividat den deporte, seguridat, arte i kultura òf naturalesa? Tur por! Wak e oferta aktual. 

Kiko ta e pènel pa hóben di MDT?  

Hóbennan di e pènel pa hóben di MDT  ta yuda pensa i fiha e programa di MDT Boneiru. Nan ta yuda pensa tokante aktividat i tokante ehekushon di e programa. Hóbennan mes ta yuda den evaluashon di petishon di supsidio.