Bo ta entre 17 i 27 aña? bo tin pashon pa osean i e bida di bou di awa? Bo ke bira embahador di ref di koral di Boneiru? E ora ei e proyekto akí ta pa bo!

Reef Renewal Bonaire ta en búskeda di kandidato nan ku pashon i amor pa osean i mantenshon di naturalesa. Durante e programa bo ta wòrdu di train pa aktividatnan i metodonan di renobashon di ref i lo bo siña tur kos tokante di ref i kon nos ta purba restablesé esaki nan.

Un parti importante di e mishon di e fundashon ta pa alkansá i embolbí e komunidat lokal. E propósito di e proyekto di MDT ta pa forma kandidato nan komo embahador di renobashon di ref. E embahador nan lo wòrdu entrená pa duna presentashon i lo desaroyá un presentashon di renobashon di ref na Papiamentu. E kandidato nan lo duna presentashon na e komunidat lokal, skolnan i pa otro interesado nan ku kièr siña mas di ref di Boneiru.

Pa partisipá na e proyekto aki, nos ta buskando kandidato nan ku e siguiente kualifikashonnan:

  • Kandidato mester por papia papiamentu (obligatorio), ingles i/òf Hulandes.
  • Kandidato nan mester sinti nan konfortabel den awa, i mester por landa i ke snòrkel.
  • Mester tin amor pa osean, naturalesa i/òf mantenshon di naturalesa.
  • E proyekto ta dirigí riba papia den públiko, pues kandidato nan ku ke krese den e abilidat aki ta wòrdu enkurashá pa inskribí!
  • kandidato nan mester ta disponibel pa partisipá djamars mèrdia den e proyekto.

E kandidato nan lo wòrdu selektá pa medio di e kualifikashonnan manera menshoná ariba pa hasi un kòmbersashon orientativo.

Inskribí pa proyekto

Project aanmelden deelnemer

Organisashon: Reef Renewal Foundation Bonaire

Persona di kontakto: Ernst Noyons

Imeil: ernst@reefrenewalbonaire.org

Facebook: Reef Renewal Foundation Bonaire

Instagram: Reef Renewal Foundation Bonaire

Linkedin: Reef Renewal Foundation Bonaire

Buskando bo
MDT Boneiru
ideal