Biba Sendé – Jong Bonaire

Bo ta entre 13 i 27 aña? Bo tin afinidat ku bòkseo i ke siña e tèknik nan básiko di esaki? Bo ke desaroyá bo mes i biba un bida saludabel? E ora ei e proyekto akí ta pa bo!

Hóbennan (13-27 aña) ta siña tèknik nan básiko di bòkseo i outo-defensa. Pa medio di e tèknik nan aki e hóbennan ta wòrdu stimulá pa un sistema di bida mas saludabel. 

Tema nan ku ta bini bek den e trayekto ta:

• kon ta traga ku agresividat
• Bienestar personal
• Kuminda saludabel 
• Salud mental

Un bishitá na kas di kuido pa grandinan ta forma parti di e proyekto aki, asina nos ta sòru pa duna bek na nos komunidat di Boneiru.

E proyekto aki ta di mart te ku yüni 2023