Bo ta entre 13 i 27 aña, bo tin afinidat ku teatro i bo ke krese den esaki òf sera konosí ku esaki? E ora ei e proyekto akí ta pa bo!
E proyekto di MDT “Ban konstruí Boneiru 3.0” ta maksimal 10 hóben entre 13 i 27 aña ku talento i kreatividat. Hóbennan ku tin interes den arte i kultura. Hóbennan ku tin gana di baila, aktua, traha músika, kanta i ku ke ta kreativo ku arte figurativo i multimedia. Hóbennan ku ke kuminsá na un nivel di amatùr òf ke traha riba nan karera profeshonal den arte. Durante kuater luna e hóbennan lo sigui un kurso di teatro pa asina nan por traha nan mes presentashon ku e tema “Bonaire 3.0”. Un presentashon di teatro ku por sirbi komo yudansa pa yuda hóbennan hasi un bon eskoho pa nan futuro karera (skohe un profeshon ku ta pas ku bo).
Huntu nos ta traha pa un mihó futuro pa Boneiru!
Inskribí pa proyekto
Organisashon: Art Culture Education Foundation
Persona di kontakto: Segni Bernardina (Direktor)
Telefòn: 7965677
Imeil: acesbonaire@gmail.com
Facebook: Ace Bonaire